跳到主要內容區塊
手機選單
:::

客語-客家文化之美

    資料來源:客家事務委員會       

    服飾

    客語發音
    客家藍衫又安到長衫抑係大襟衫,「上著大襟衫,下著大襠褲」是客家傳統服飾个最佳寫照。客家人因為長期過著顛沛流離个遷徙生活,故所孕育了勤儉、勇敢耐苦个習性。移民來台初期,因為環境惡劣,為了求生存,男女要共同負擔起墾殖的重任,生活得非常艱苦,再加上歇个所在較封閉,長時間同外界隔離个情況下,造成了蓋保守个生活方式,故所在服飾上都表現得蓋樸素、勤儉,色水單調、造型單一,方便、實用、耐著,淨求遮體抵寒不求浮華,磨爛吔就補。

    時代環境改變,這下「客家花布」漸漸變成做代表客家衫褲个主角,恁多年來時尚界吹起復古風潮,傳統个「客家花布」變到蓋沙鼻,有本土服裝設計師同阿婆時代个棉單圖案拿來設計成有時尚感个時行衫褲;還有藝術家同這圖案運用在法國、德國、日本等地个美術館同畫廊,分這種有點豔麗、又帶些鄉土个客家美學揚名國際。毋過客家藍衫共樣有硬骨个人客,淨製作手藝已分大量生產个機器所取代,這下美濃淨伸「錦興行藍衫店」保存最傳統、最復古个製作方法。「錦興行藍衫店」自1932年創業到今已超過80年,鍾鳳嬌女士傳承創始人謝景來先生个縫製手藝,繼續發揚光大藍衫特色。

    錦興行藍衫店
    地址:高雄市美濃區永安路177號
    電話:(07) 6811191


    頭擺个客家藍衫,有耐屙糟耐磨个特性,就算褪色,乜做得重新染過再著,變做客家人平常著个最好,藍染其實係植物染的一種,用無相同个種類个植物做原料,染出無相同个色身,原料个植物來源有馬藍(大菁)、木藍(小菁)、蓼藍等植物,利用沉澱法萃取出水溶性原靛素Indican,製成染液的基本原料「藍靛」,經由鹼水、營養劑在適當溫度下建化成有染著力个染液,染布在常溫下進行浸染幾分鐘後拿出同空氣結合,分吸濕膏在染布个染液氧化,由綠變做為藍色,再透過幾下擺晾燥、再染分色身越來越深。

    現代因藍染顏料貴蔘蔘同工序麻煩,高雄市民間已無手作藍染,毋過在觀光旅遊同DIY體驗活動發展下,藍染除了作為傳統工藝分發揚外,也同時是個生趣个體驗活動,同靚靚特殊藝品个代稱。本市目前淨伸「高雄市花木藍客家藍染發展協會」係為傳承這項老古手工布染知識與同術來成立个民間協會。

    高雄市花木藍客家藍染發展協會
    地址:高雄市楠梓區卓越路17鄰51巷39弄18號
    電話:(07) 3630914

    :::
    ▲開啟 ▼關閉