美濃文創中心在美濃市中心，也係開庄老街永安路同中正路路口，南片係美濃溪，以古蹟美濃舊橋與柚子林地區（美濃合和里）相粘，東片係美濃國小，本區域為清亁隆年間先民林氏兄弟率衆至美濃開庄起源點，乜係右堆義民團練个所在，日本時代在此設庄役所、分駐所、信用組合社同公學校，係美濃政經教育中心，目前乜係該地區交通最無閒鬧熱街項。
「美濃文創中心」基地肚有座1933年起个歷史建築「美濃警察分駐所」同「日式宿舍」，整修後變身為產業旅遊中心同細人圖書館。另有一棟新起个「教育藝文館」，館肚係圖書館同看書、藝文空間，加上開庄廣場同老樹成蔭，係居民休閒搞尞、表演活動个最好場所。104年11月6日正式開園啟用，係了解美濃文化、產業、旅遊觀光係最好入口，乜係全家大細搞尞美濃地區做毋得無去个好景點。
開館時間：
逐禮拜禮拜一到禮拜日：09:00 ~ 20:00
館址：843高雄市美濃區永安路212號(美濃國小旁)
電話：07-6819265