跳到主要內容區塊

高雄市政府客家事務委員會

高雄市政府客家事務委員會

:::
客語-歷史沿革
    資料來源:客家事務委員會       

    客語發音
    高雄市个客家族群,除了少數直接對大陸原鄉 (梅州、豐順、興寧、韶關、大埔等)遷徙過來之外,大部份係因為歷史抑係經濟因素遷徙到高雄歇个二次移民。日本時代客家移民主要來自北台灣个桃園、苗栗、新竹,戰後移民除了北客同中客,美濃同屏東六堆移民逐漸增加,形成所謂「四大庄頭」─來自新桃苗、台中東勢、屏東、美濃个客家人。這兜客家人,同高雄市看做自家个故鄉,為著有一個固定「打鬥敘」活動場所,做為保存客家文物、語言,及鄉親聯誼个所在,就由一陣在各行各業表現傑出个客屬熱心人士提議起「高雄市客家文物館」。
     

    客語發音
    民國84年間在前市長吳敦義支持,多位國代、立委、議員及四大客家庄頭前輩煞猛推動下,由高雄市政府民政局主導興建「客家文物館」,經過三年,在87年11月20日落成啟用。88年,民政局成立「高雄市客家文化事務基金會」,並大力推動正式个官方組織。92年12月31日前市長謝長廷指示籌備設立市政府體制內一級機關,94年「高雄市政府客家事務委員會」正式成立,由廖松雄先生擔任第一屆主任委員,衍生對愛河之心到三民一、二號公園作為興建客家文化園區之構想,在歷任市長謝長廷、陳其邁、葉菊蘭的大力支持下,「高雄市新客家文化園區」於96年動土興工,至99年10月完工落成。
      

    客語發音
    民國99年12月25日高雄縣市合併,納入原高雄縣美濃、杉林、甲仙、六龜等客家重點鄉鎮後,擴大了本會服務範圍,持續推動客家文化之傳承同創新。陳菊市長更是以「處處是客家」為施政主題,深入家庭、社區同學校,推動客語復甦同客家文化傳承工作,來打造高雄市成為一個多元文化个模範城市為目標。

    :::
    ▲開啟 ▼關閉