跳到主要內容區塊
:::

客語-建置過程

    資料來源:客家事務委員會       

    客語發音
    「新客家文化園區」這座特色景點鄰近愛河畔愛河之心、光之塔、中都濕地公園等景點,為全台灣第一座都會型客家文化園區。

    園區工程分2期施作,第1期在三民2號公園建置客家香花步道、生態水草教育池、DIY戶外教學區。優美个客家意象景觀設施同植栽,來餳民眾同觀光客留下來欣賞,並成為婚紗業者拍攝熱門景點。

    第2期新建工程係在三民2號公園內起客家意象个主體建築(包括客家手工藝品展售中心、農特產品展售中心、圓樓、演藝廳同行政管理中心),並進行客家文物館裝修。工程已在99年10月完工,文物館裝修工程也在101年9月完成並重新開放。園區肚毋單只有提供欣賞同買東西个客家文化創意產品同農特產品展售中心、有導覽展示教學性質个文物館、做得『以藝會友』个戶外表演廣場,同做得在遊園个時做得提供品嚐美食个圓樓,當然還有不可少个演藝廳。

    「高雄市新客家文化園區」,除了係各界接觸、認識客家个「窗口」,也係各族群文化交流个「平台」。伊毋單只係客家个社區,也係市民共同个資產,期望「高雄市新客家文化園區」做得變做高雄客家最具指標性个建設,南台灣文化網絡肚最耀眼个一環。

    :::
    ▲開啟 ▼關閉